ஒன்பிளஸ் 10 ப்ரோ மாடலுக்கு வெயிட் பண்றீங்களா? அப்போ ஒரு பேட் நியூஸ்!

ஒன்பிளஸ் 10 ப்ரோ மாடலுக்கு வெயிட் பண்றீங்களா? அப்போ ஒரு பேட் நியூஸ்!

ஒன்பிளஸ் நிறுவனம், ஒன்பிளஸ் 10 சீரிஸ் என்று அழைக்கப்படும் புதிய ஃபிளாக்ஷிப் போன் சீரீஸை உருவாக்கி வருகிறது என்பதும், இந்த சீரிஸின் கீழ், நிறுவனம் இரண்டு மாடல்களை வெளியிட வாய்ப்புள்ளது, அது OnePlus 10 மற்றும் OnePlus 10 Pro மாடல்களாக இருக்கலாம் என்பதும் நமக்கு ஏற்கனவே தெரிந்த விஷயங்கள் தான்.

இதற்காக இணையத்தில் பரவும் எண்ணற்ற வதந்திகள் மற்றும் லீக்ஸ்களுக்கு நன்றி!

அப்படியான ஒரு லேட்டஸ்ட் அறிக்கை வழியாக OnePlus 10 சீரீஸ் வருகிற பிப்ரவரி 2022 இல் வெளியிடப்படும் என்கிற தகவல் கிடைத்துள்ளது. இது சாம்சங் தனது கேலக்ஸி S22 சீரீஸ் ஸ்மார்ட்போன்களை வெளியிடும் அதே லான்ச் டைம்லைன் ஆகும். 

 

ஆக OnePlus 10 Pro ஸ்மார்ட்போனின் இந்திய அறிமுகம் தாமதமா?

நம்பகமான லீக்கர் Max Jambor வழியாக கிடைத்த லேட்டஸ்ட் தகவலின்படி, OnePlus 10 சீரிஸ் முதலில் சீனாவில் வெளியிடப்படலாம் மற்றும் அதன் உலகளாவிய வெளியீடு சிறிது காலம் கழித்து நடக்கலாம்.

இன்னும் குறிப்பிட்டு சொல்ல வேண்டும் என்றால் ஒன்பிளஸ் 10 ஸ்மார்ட்போன்களின் உலகளாவிய வெளியீடு மார்ச் அல்லது ஏப்ரல் 2022-இல் நடக்கும், நிச்சயமாக அதற்கு முன் நடக்காது என்று வெளியான ஜம்போர்) வெளியாகி உள்ளது. இருப்பினும் சரியான வெளியீட்டு தேதி இன்னும் வெளியிடப்படவில்லை.OnePlus 9RT உடன் நிறுவனம் பின்பற்றும் உத்திக்கு இணங்க ஒன்பிளஸ் 10 சீரீஸ் செல்கிறது. ஏனெனில் குறிப்பிட்ட ஸ்மார்ட்போன் சொந்த சீன சந்தையில் வெளியிடப்பட்டு ஒரு மாதத்திற்கும் மேலாகிறது, ஆனால் இது இந்தியா உட்பட உலக சந்தையில் எப்போது வரும் என்பது குறித்து எந்த வார்த்தையும் இல்லை.

நவம்பர் மாதத்தின் பிற்பகுதியில் ஒன்பிளஸ் 9ஆர்டி ஸ்மார்ட்போனின் இந்திய அறிமுகம் நடக்கலாம் என்று சில வதந்திகள் தெரிவிக்கின்றன. ஒன்பிளஸ் 9ஆர்டி-ஐ பொறுத்தவரை OnePlus-க்கு இது முற்றிலும் வேறுபட்டது, இந்த பிராண்ட், இப்போது வரை, அதன் போன்களை உலக சந்தையில், குறிப்பாக இந்தியாவில், முதல் நாளிலேயே வெளியிட்ட வண்ணம் உள்ளது.

துரதிர்ஷ்டவசமாக, ஒன்பிளஸ் 10 சீரிஸில் அதை பின்பற்றப்படாது என்பது போல் தெரிகிறது. மாறாக ஒன்பிளஸ் நிறுவனம் அநேகமாக அதன் "சகோதர" பிராண்டான Oppo-விலிருந்து குறிப்புகளை எடுத்துக்கொண்டிருக்கலாம், ஒப்போவை பொறுத்தவரை, முதலில் சீனாவில் தயாரிப்புகள் அறிமுகப்படுத்துகிறது, பின்னரே உலகளாவிய சந்தைக்கு வருகிறது.

ஒருவேளை ஒன்பிளஸ் 10 சீரீஸின் தாமதமானது தற்போது நிலவும் விநியோகச் சங்கிலித் தடைகளுடன் தொடர்புடையதாக கூட இருக்கலாம்.

OnePlus 10 Pro ஸ்மார்ட்போனில் என்னென்ன அம்சங்களை எதிர்பார்க்கலாம்?

- பெரிய செவ்வக வடிவிலான கேமரா பம்ப்
- ஹாசல்பிளாட் பிராண்டிங்குடன் ட்ரிபிள் ரியர் கேமரா அமைப்பு
- 6.7 இன்ச் டிஸ்ப்ளே
- 20:9 ஆஸ்பெக்ட் ரேஷியோ
- 120 ஹெர்ட்ஸ் ஸ்க்ரீன் ரெஃப்ரெஷ் ரேட்
- ஒரு அலெர்ட் ஸ்லைடர்
- வலது விளிம்பில் பவர் பட்டன்
- இடதுபுறத்தில் வால்யூம் ராக்கர்
- கீழே USB Type-C போர்ட்
- 5,000 mAh பேட்டரி
- 125W பாஸ்ட் சார்ஜிங்கிற்கான ஆதரவு
- 256GB வரை இன்டர்னல் ஸ்டோரேஜ்
- 12GB ரேம்