இந்தியாவுக்கு வரும் Infinix Note 11S; எப்போது? என்னென்ன அம்சங்களை பேக் செய்கிறது?

இந்தியாவுக்கு வரும் Infinix Note 11S; எப்போது? என்னென்ன அம்சங்களை பேக் செய்கிறது?

இன்பினிக்ஸ் நிறுவனம் இந்தியாவில் ஒரு புதிய பட்ஜெட் ஸ்மார்ட்போனை அறிமுகம் செய்யவுள்ளதாக டீஸ் செய்ய தொடங்கி உள்ளது. அது Infinix Note 11S மாடல் ஆகும். இது என்னென்ன அம்சங்களை பேக் செய்கிறது? இதோ முழு விவரங்கள்.
இன்பினிக்ஸ் நிறுவனத்தின் லேட்டஸ்ட் ஸ்மார்ட்போன்களில் ஒன்றான Infinex Note
11s விரைவில் இந்திய சந்தையில் அறிமுகமாக உள்ளது. நிறுவனத்தின் இந்திய தலைமை நிர்வாக அதிகாரி குறிப்பிட்ட பட்ஜெட் ஸ்மார்ட்போனின் வெளியீட்டை டீஸ் செய்துள்ளார்.



நினைவூட்டும் வண்ணம், இந்த ஸ்மார்ட்போன் முதலில் தாய்லாந்தில் அறிமுகப்படுத்தப்பட்டது மற்றும் இது MediaTek Helio G96 SoC மூலம் இயங்குகிறது. இது மூன்று ரேம் மற்றும் ஸ்டோரேஜ் உள்ளமைவுகளில் வருகிறது மற்றும் 50 மெகாபிக்சல் மெயின் கேமராவை உள்ளடக்கிய ட்ரிபிள் ரியர் கேமரா அமைப்பை வழங்குகிறது.



இதற்கிடையில் இன்பினிக்ஸ் நிறுவனம் தனது முதல் 5ஜி ஸ்மார்ட்போனான இன்பினிக்ஸ் ஜீரோ 5ஜி மாடலை வெளியிட தயாராகி வருவதாக கூறப்படுகிறது. அதன் அதிகாரப்பூர்வ அறிவிப்புக்கு முன்னதாக, ஒரு டிப்ஸ்டர் குறிப்பிட்ட ஸ்மார்ட்போனின் ரெண்டர்களை ஆன்லைனில் பகிர்ந்துள்ளார், அதன் வழியாக வடிவமைப்பு மற்றும் சில அம்சங்களை பற்றிய ஒரு பார்வை நமக்கு கிடைக்கிறது



Infinix India CEO ஆன அனிஷ் கபூர், Infinix Note 11S ஸ்மார்ட்போனின் இந்திய வெளியீட்டை ஒரு ட்வீட் மூலம் டீஸ் செய்தார். Infinix Note 11 மற்றும் Infinix Note 11S ஸ்மார்ட்போன்களின் ரீடெயில் பாக்ஸ்களைக் காட்டும் ஒரு படத்தை கபூர் வெளியிட்டார், மேலும் அவர் "நாட்டில் உள்ள அனைத்து கேமர்களுக்கும், விரைவில் ஒரு விசேஷம் வரவிருக்கிறது, தயாராக இருங்கள்" என்றும் குறிப்பிட்டுள்ளார்.



Infinix Note 11S ஒரு கேமிங் ஸ்மார்ட்போனாக நிறுவனத்தால் விளம்பரப்படுத்தப்படுகிறது மற்றும் இது ஒரு மான்ஸ்டர் கேம் கிட்டையும் கொண்டுள்ளது.

Infinix Note 11S ஸ்மார்ட்போன் கடந்த நவம்பரில் அறிமுகப்படுத்தப்பட்டது மற்றும் இது ஆண்ட்ராய்டு 11 ஓஎஸ்-இல் இயங்குகிறது. 120Hz ரெஃப்ரெஷ் ரேட் உடனான 6.95-இன்ச் Full-HD+ (1,080x2,460 பிக்சல்கள்) IPS LCD டிஸ்ப்ளேவை கொண்டுள்ளது.

மீடியாடெக் ஹீலியோ G96 SoC மூலம் இயக்கப்படும் இந்த ஸ்மார்ட்போன் 8GB RAM உடன் இணைக்கப்பட்டுள்ளது. இது 128 ஜிபி அளவிலான இன்டர்னல் ஸ்டோரேஜை பேக் செய்கிறது மற்றும் மைக்ரோ எஸ்டி கார்டு வழியாக (2 டிபி வரை) விரிவாக்ககும் ஆதரவையும் வழங்குகிறது.

கேமராக்களை பொறுத்தவரை, இந்த ஸ்மார்ட்போன் ட்ரிபிள் ரியர் கேமரா அமைப்பைக் கொண்டுள்ளது, இதில் 50 மெகாபிக்சல் பிரதான சென்சார் மற்றும் இரண்டு 2 மெகாபிக்சல் ஸ்னாப்பர்கள் உள்ளன. செல்பீக்களுக்காக, இதில் 16 மெகாபிக்சல் கேமரா உள்ளது.

Infinix Note 11S ஆனது DTS சரவுண்ட் சவுண்ட் உடன் டூயல் ஸ்பீக்கர்களைக் கொண்டுள்ளது. மேலும் இன்பினிக்ஸ் ஆனது ஃபேஸ் அன்லாக் மற்றும் பக்கவாட்டில் பொருத்தப்பட்ட கைரேகை ரீடரையும் கொண்டுள்ளது. இந்த ஸ்மார்ட்போன் 33W சூப்பர் சார்ஜ் ஃபாஸ்ட் சார்ஜிங்கிற்கான ஆதரவுடன் 5,000mAh பேட்டரி மூலம் சக்தியூட்டப்படுகிறது.



Infinix நிறுவனத்தின் முதல் 5G எனேபிள்ட்டு ஸ்மார்ட்போனை பற்றி பேசுகையில் ஒரு டிப்ஸ்டரின் கூற்றுப்படி, இந்த ஸ்மார்ட்போன் மாடல் நம்பர் X6815-ஐக் கொண்டுள்ளது, மேலும் இது Infinix Zero 5G என்று அழைக்கப்படும். டிப்ஸ்டரால் பகிரப்பட்ட Infinix Zero 5G ஸ்மார்ட்போனின் ரெண்டர்கள் வழியாக இது செல்பீ ஷூட்டரை வைக்க ஹோல்-பஞ்ச் டிஸ்ப்ளே மற்றும் இரண்டு LED ஃபிளாஷ் யூனிட்களுடன் கூடிய ட்ரிபிள் ரியர் கேமரா அமைப்பை பெறும்.



மேலும் இந்த ஸ்மார்ட்போனில் 120Hz ரெஃப்ரெஷ் ரேட் உடன் சூப்பர் AMOLED டிஸ்ப்ளே இடம்பெறும் என்றும் கூறப்படுகிறது. Infinix Zero 5G ஆனது MediaTek Dimensity 900 சிப்செட்டை பேக் செய்யும் என்று கூறப்படுகிறது.

இதெல்லாம் ஒருபக்கம் இருக்க இன்பினிக்ஸ் ஜீரோ 5ஜி அறிமுகம் குறித்த எந்த விவரங்களையும் இன்பினிக்ஸ் அதிகாரப்பூர்வமாக பகிர்ந்து கொள்ளவில்லை. எனவே, இந்த விவரங்களை சிட்டிகை உப்பில் இருந்து கிள்ளிகொள்ளும் அளவு மட்டுமே எடுத்துக்கொள்ளுமாறு பரிந்துரைக்கிறோம்.